Ymgyrchoedd

Mae Gofal Arthritis yn ymgyrchu er mwyn gwneud gwahaniaeth gwirioneddol i fywydau pobl sy’n byw gydag arthritis ar draws Cymru gyfan yn ogystal â bywydau eu teuluoedd.

Mae pobl ag arthritis yn gweithio ac yn gwirfoddoli ar bob lefel o fewn Gofal Arthritis, ac rydym yn gwybod yn iawn nad yw gwasanaethau a materion sy’n ymwneud ag arthritis wedi cael eu hystyried yn ddigon o flaenoriaeth yn y gorffennol gan y rheiny sy’n gwneud penderfyniadau ar sawl lefel o fewn y llywodraeth a’r GIG.

Rydym yn deall yr effaith y mae’r diffyg blaenoriaeth hwn yn ei chael yn ddyddiol ar fywydau pobl ag arthritis.

Rydym yn ymwybodol o’r camsyniadau cyffredin sy’n bodoli ynghylch arthritis – sef y syniad bod arthritis yn effeithio ar bobl hŷn yn unig ac nad oes llawer y gellir ei wneud i drin yr anhwylder neu gyfyngu ar ei effaith – ac rydym yn ymwybodol o’r niwed y mae camdybiaethau o’r fath yn ei achosi.

Beth mae Gofal Arthritis yn ei wneud ynghylch hynny felly?

Mae Gofal Arthritis yn ymgyrchu yn lleol, yng Nghymru, yn y DU ac yn Ewrop i godi ymwybyddiaeth a gwella dealltwriaeth pobl o arthritis a sicrhau bod gwasanaethau ar gyfer pobl ag arthritis yn cael blaenoriaeth ac adnoddau priodol.

Rydym yn ymgyrchu mewn modd adeiladol er mwyn cydweithio â darparwyr gofal iechyd a gofal cymdeithasol a’u cynorthwyo i wella’u gwasanaethau mewn ffyrdd sy’n golygu bod adnoddau’n cael eu defnyddio’n effeithiol a bod anghenion pobl leol ag arthritis yn cael eu diwallu. Ewch i gael rhagor o wybodaeth am faterion sy’n ymwneud ag ymgyrchoedd Gofal Arthritis.

Unrhyw lwyddiannau?

Mae Gofal Arthritis wedi ymgyrchu’n llwyddiannus i godi ymwybyddiaeth o arthritis a sicrhau bod mwy o flaenoriaeth yn cael ei rhoi i arthritis yn lleol, yng Nghymru, yn y DU ac yn Ewrop. Ewch i gael rhagor o wybodaeth am lwyddiant ymgyrchoedd Gofal Arthritis hyd yn hyn.

A all unrhyw rai gymryd rhan yn ymgyrchoedd Gofal Arthritis?

Gallant. Gellir cymryd rhan yng ngwaith ymgyrchu Gofal Arthritis mewn sawl ffordd. Ewch i gael rhagor o wybodaeth am y rhan y gallwch chi ei chwarae yn ein gwaith ymgyrchu.

Cysylltwch â ni!

Os oes gennych broblem – boed fawr neu fach – yr ydych yn credu y dylem ni fod yn ymgyrchu yn ei chylch, neu os hoffech gymryd rhan yn ymgyrchoedd Gofal Arthritis, byddem yn falch iawn o glywed gennych. Mae croeso i chi ein ffonio ni neu anfon neges e-bost atom. Cofiwch ymweld â’r wefan hon pan gewch chi gyfle – byddwn yn diweddaru’r tudalennau sy’n sôn am ymgyrchoedd yn ogystal â’r tudalennau eraill yn rheolaidd.